10月31日

今日只係整一樣野！就係魚啦！整到2點幾！收檔收到3點幾！之後就去寫手冊！
係更衣室到寫！結果俾大家發現一個蛇王既方法！不過呢個方法我一定做唔到！
個擺設應該係咁！簡簡單單！個色又襯！

一招係防止廖太元黎捉人既妙法！>>縮骨功<<！以下係三個唔同既人！
有無人認到呢！總共有試過既而入到既人！都有7-8個！^^

大家幫幫忙呀！為吸取不同既意見！
大家請幫我諗諗四個菜式叫咩名好！
有idea既留個言俾我呀！唔該曬啦！

10月30日

愛。廚藝

越黎越鐘意煮野食啦！星期一至日都係煮野！
星期一至五，9:00a.m-4:45p.m，7樓都係o係川湘廚房練比賽野！
星期六至日就有時間繼續練比賽，一係就自己煮下甜品！無停過！
搞到連星期幾都可以唔知！哈！星期二都可以以為係星期六！
可能太累！又可能想快o的到星期六！

夠竟以後會係點呢??廚師&空手道??職業&興趣??邊樣先係職業&興趣呢??

比賽菜式---豬、蝦、魚！

好多謝曬劉大師&陸師父既教導！真係學到好多野！千千萬萬個謝謝！
今日就無整雞啦！終於到豬、蝦、魚！
宜家都係差雞、豬、蝦、魚，四道菜既菜名、擺盤！

豬>>未命名<<                                                                       左係10人展示盤，右係位上！
 
蝦>>未命名<<

魚>>未命名<<

希望大家可以俾到o的靈感我，改個好名！只要見到、聽到就好吸引既名！多謝大家！
吸收大家意見，有好名既請留言俾我呀！！謝謝

比賽菜式---雞

今日繼續練習雞！今日有兩隻練習！終於做得成功啦！塊皮無爛啦！
個名都係唔叫>>鳳燻飛<<啦！諗過......要重新命名啦！
要練好o的斬雞！改個靚名！個味完全無問題！正！
 呢隻係第一隻！
呢隻係第二隻！呢隻超正！個個讚好！

<<把口生係你地到！你地鐘意講咩由得你地！我對得住良心，我無做過！>>
<<我比好呢個比賽！學到野既係我！有得著既係我！由得你地鐘意點講>>